Кызыл-Кыядагы СЕДЕП хабы — жергиликтүү аялдар үчүн ыңгайлуу жана коопсуз мейкиндик. Бул жерде алар жаңы кесиптик көндүмдөрдү үйрөнүп, туруктуу киреше табышат.

Биз эмне жасайбыз:

Келинге арналган септин бардык түрлөрүн курак техникасында даярдайбыз;
Кыздын себин нөлдөн баштап, толук комплект түрүндө жасап беребиз;
Курактын элементтери жана сайма кошулган белдемчилер;
Экологиялык шоппер-сумкалар;
СЕДЕП косметичкалары;
Курак менен жасалган СЕДЕП туткуч-прихваткалар;
СЕДЕП бренддик төшөк-жабдыктары;
Майда курак менен жасалган брошкалар;
Чачка тагуучу резинкалар;
Лоскуттан жасалган паннолор;
Стулдар үчүн жумшак төшөктөр (сидушкалар).

Биз кантип иштейбиз

Биз оптовый жана розничный заказдарды тең кабыл алабыз. Кардар хабга келип, каалаган моделди талкуулайт. Биз материалдарды тандап беребиз жана алгач тесттик үлгүсүн тигип кардар менен макулдашабыз. Бардык майда-барат такталган соң, негизги партияны тигип, даяр заказды тапшырабыз.

Биздин тигүүчүлөрдүн көбү үйдөн иштешет. Көпчүлүк аялдар үчүн бул эң ыңгайлуу формат: алар кайын журт менен чогуу жашайт, үй-тиричилиги жана балдарга кам көрүү алардын мойнунда, бирок ошого карабастан өз кирешесине ээ болгуусу келет. Хаб аларга толук жумуш убактысына чыкпай туруп, акча табууга мүмкүнчүлүк берет: бул жерден алар заказ алып, кездеме жана фурнитураны алып кетишет, кийин даяр буюмдарды кайра алып келишет.

Хабдын ичинде мини-шоурум бар.

Шоурум витринасында биздин эң мыкты үлгүлөр, ошондой эле жарманкелерге жана көргөзмөлөргө даяр болгон продукциялардын линиясы жайгашкан. Бул бизди иш-чара уюштуруучуларына, жаңы кардарларга жана өнөктөштөргө көрсөтүүгө жардам берет. Натыйжада аялдар өз эмгегинен жаралган буюмдарды сатуу үчүн кошумча мүмкүнчүлүктөргө ээ болуп жана кеңири аудиторияга тааныла алышат.

Sewing Services

Carpet Weaving and Embroidery

Design Services

Guest houses