SEDEP – Европа Биримдигинин колдоосу менен ишке ашырылып жаткан долбоор. Долбоор Кыргызстандын түштүгүндөгү аярлуу жаш аялдардын экономикалык жана укуктук мүмкүнчүлүктөрүн кеңейтүүгө, креативдик индустрияларды жана туруктуу туризмди өнүктүрүүгө багытталган. Долбоордун алкагында Ош, Жалал-Абад жана Баткен облустарында аялдардын креативдик хабдары түзүлүп, катышуучуларга билим берүү, өндүрүш жүргүзүү жана киреше табуу мүмкүнчүлүктөрү берилет.
SEDEP долбоору Европа Биримдигинин каржылык колдоосу менен ишке ашырылып, долбоордун жергиликтүү аткаруучу өнөктөшү катары «Аялдар тынчтык банкы» коомдук фонду жана Pro NGO! e.V. уюму катышат. Долбоор жарандык коом уюмдары, жергиликтүү бийлик органдары, билим берүү мекемелери жана башка өнөктөштөр менен биргеликте ишке ашырылууда.
SEDEP креативдик жана жашыл экономиканы өнүктүрүү ассоциациясынын негизги максаты – аялдар жетектеген демилгелерди колдоо, креативдик индустриялар, кол өнөрчүлүк, туризм жана жашыл өндүрүш багыттарында иш алып барган аялдардын мүмкүнчүлүктөрүн кеңейтүү. Ассоциация аялдардын хабдарын бириктирип, тажрыйба алмашууга, биргелешкен өндүрүштү өнүктүрүүгө, рынокко чыгууга жана туруктуу өнүгүүгө көмөк көрсөтөт.
SEDEP долбоору туруктуу экономикалык өнүгүүгө жана Кыргызстандагы аялдар үчүн мүмкүнчүлүктөрдү түзүүгө көмөктөшөт.
Негизги максат – жаш кыз-келиндердин креативдүү жана инновациялык тармактарга жеткиликтүүлүгүн жакшыртуу.
Биз аялдардын профессионалдык өсүүсү жана өзүн-өзү ишке ашыруусу үчүн шарттарды түзөбүз.
Гендердик теңчиликти чыңдоодо жана аялдардын укуктарын коргоодо жарандык коомду колдоо.
